我們都來學日語
適用：iPhone、iPod Touch及iPad
售價：US$7.99
檔案大小：147MB
點用：跟住個app嘅步驟去學日語都幾易。當中收錄有單詞、句型、對話、短文和語法五個部分，循序漸進，包含25課初級有聲和25課進階有聲課程。每個單詞、句型及短語配有真人發音；如第1課顯示基本句：「初次見面」，有日文、漢字、中文句子及詮釋，同時有即時發音配合，幫助大家邊睇邊聽邊學。
冇得調教每句發音的快慢速度，有時要重複聽多幾次，就麻煩咗啲。
日本通王友良評：「日本人好有禮貌，學日語必先學打招呼。聽咗個app其中『初次見面』及『請多多關照』兩句真人發聲，好自然，高低、快慢的音準佳。」
模特兒Kelly評：「我讀了日語半年多，經常下載好多日語apps助學。之前下載了免費版『我們都來學日語』，共10課初級課程作為入門，現在已學到綜合篇課程。就算唔使上課，都會拎住部iPad背生字、拼音，夠晒實用。」
Lingopal Korean
適用：iPhone、iPod Touch及iPad
售價：US$0.99
檔案大小：7.9MB
點用：近期韓國旅遊大熱，「Lingopal」app系列有多達50種語言選擇，佢嘅韓語有唔少人話掂。下載時先選「Lingopal Korean」，並設定你的性別及播音速度，即顯示基本（即問候語）、日期和時間、旅行等24項類別，然後點選語句可選擇即時播放，常用語句仲可以揀「★」加入收藏list內，方便隨時聽番。
播放語句時，除選play，仲可選收藏、放大縮細字型及重複，設計幾貼心。
本刊記者Joey評：「我睇得韓劇多，簡單韓語都識少少。Download咗呢個app帶去韓國，好快學咗『可唔可以平少少？』用嚟講價萬試萬靈。或者直接play發音，店員即明。」
讓中國人說泰語短語
適用：iPhone、iPod Touch及iPad
售價：US$9.99
檔案大小：234MB
點用：預設有10多項分類，如「問候」、「為您自己辯解」等，並細分多句簡單句子，除顯示泰文，亦有英文拼音輔助，方便一邊聽發音一邊睇住點講，足以應付短短幾天旅遊。
睇埋英文拼音，易讀好多。
泰國通胡慧沖評：「近期都有推介這個泰語app俾朋友，發音有八至九成準。入面全是日常好simple的句子，帶去旅行都唔錯。」
沒有留言:
發佈留言