先達回收價 - 黑色16GB iPhone 5, 只收 $7,550

剛剛賣咗部 3HK 黑色16GB iPhone 5, 先達只收 $7,550 !!! (16GB 白色話收 $8,000, 不過見唔到有人放白色 iPhone 5)
大家小心，如果黑色機，側邊有花要扣錢，扣 $200-$300 !!
上台機開盒唔扣錢，因為乜機都會開盒 check 機，試開機 , Check 有無花 !!

iPhone5回收價再插水

自從首日表現高收$8,800（16GB）之後，iPhone5的回收價便一直插水！究其原因，先達Sales解釋，主因係今次上網、上台出機容易咗，而且大家也明白，16GB最受回收商歡迎，所以供應數量激增，令回收價不斷咁插、插、插！例如黑、白色16GB，現時已跌至$7,500至$7,600就有交易；而32GB和64GB更慘，分別大減至只有$8,300和$8,800，連$1,000差價都無！Sales還建議各位，如果仲諗住買機即放嘅話，暫時最好還是選購16GB黑機，事關白色太多貨，可能又再出現黑機價高於白機嘅情況。

iPhone 5發售一周，港回收價急跌7400元至7700元

iPhone 5全球正式發售才一個星期，本港回收市場的價錢已經從高位回落，先達16GB版本回收價已經從星期日最高的8800元跌至昨日7400元至7700元一部，而且部分手機店更表明白色版本不收，有炒家戲言跌價之快是「早放早享受，遲放少幾舊（數百元）」。

「早放早享受 遲放少幾舊」

對比開售初期「係機都收」，目前手機店有選擇性收機的情况，先達手機店G-World Mobile負責人劉志剛表示，是因為白色iPhone 5的貨量充足，黑色反而缺貨所致。另有手機店主亦稱，由於傳出有一批澳洲水貨到港，貨源充足之下，因此回收價在短短4日間大幅回落。

事實上，iPhone 5首日銷情以16GB版本為最佳，回收價一度由原價5588元炒上至8500元一部，星期日更去到8800元高位，但星期二已經回落至最低8000元左右，昨日更跌到7400元。

買家仍以內地客主導

劉志剛稱，現時買家仍然以內地客為主導，而另一手機店主則說，內地一日未正式發售iPhone 5，則本港水貨始終仍有一定需求，但料回收價不會有太大機會上升。

數碼通 iPhone 5 - 16GB 黑色 (IFC 門口回收價 $8500)

今日有同事在 IFC 門口 HK$8,500 放咗部數碼通 iPhone 5 - 16GB 黑色比國內回收商 !!

先達 iPhone 5 炒價好吸引？最高見HK$8600 !!

原本說只能賺到HK$500至HK$1000的iPhone 5，但因為今日放機的情況有變，令其炒價出奇地好。我們親身到旺角先達看看，不少都放HK$8320，有些放HK$8400，最勁的時候，更見過HK$8600。

據在場線報的人稱，大部份來放機的，都是來自電訊商上台，來自蘋果商店的並不多，而且貨源亦有限。至於可以炒多久，其中一間先達店舖稱，估計16GB的HK$8000以上的炒價水平，可以維持一至兩星期時間。

當然，小編不建議大家炒賣，也不建議大量買入。

iPhone 5 開售，即買即賣賺3千

中環蘋果專門店外人頭湧湧

iPhone5今日全球多個地區正式發售。中環蘋果專門店外，早已有過百名網上中籤人士，排隊輪候認購，每人最多可買2部。有消費者買入新機後，隨即將手機售予店外的疑似水貨客，5千多元買入，以7千至8千元賣出，獲利3千元。

除了早前網上訂購外，電訊商亦透過月費優惠困綁式出iPhone 5。 

有消費者購入新機旋即出售圖利	中環蘋果專門店外有不少疑似水貨客者	不少果迷一早便到 中環蘋果專門店外排隊等候購買iPhone5
不少排隊人士邊把玩手機邊等候買iPhone5

先達 LO 哥報料 :第 1 手 iPhone 5 售價/回收價格

iPhone 5 水貸已經到達先達了！想知到賣幾錢、回收幾錢、好唔好炒等等的問題，看看以下訪問片段，G-World 的 LO 哥為你報上先達第一手 iPhone 5 資訊：

[轉載自 : UNWIRE.HK]

先達佬放風: iPhone 5 收 +$1500-2000 ！毋懼 Nano SIM．16GB 為佳

串哥做大型連鎖店，但同先達班老細都有傾有講。呢兩日 iPhone 5 一出，佢地班友懶得理你有冇新意，有錢賺就得，慢慢玩改 101 圖啦！琴日收到風，話大莊已經開到口收貨，實價就無喇，都係海鮮價要睇供求啦，但暫時保守估計 +$1500 – $2000 左右喎。串哥問佢有咩色會好放D，佢地話無所謂，只不過 16GB 就肯定好收D，因為風險低D。串哥問佢唔驚 Nano SIM 上面無得用咩? 佢條死仔笑笑口話串哥太唔明大陸人， iPhone 除左打電話仲有「其他」用途，好似「送禮」就係其中一樣喇，唔怕無巿．．串哥恍然大悟，上左一堂好好的國民教育。串哥咁聽就咁講，第時大家收唔番呢個價唔好黎搵我追討。

[轉載自 : UNWIRE.HK]

iPhone 5 港明日可預訂，教主「遺作」，炒家料可升價三成

蘋果全球市場行銷高級副總裁席勒介紹千呼萬喚的iPhone 5。

經過數月以來的不斷推測，蘋果旗艦手機iPhone 5終於在周三（12日）於三藩市的發布會上現真身，由蘋果全球市場行銷高級副總裁席勒（Phil Schiller）擔大旗介紹。

和傳聞一樣，iPhone 5本月14日開始接受預訂，21日在美國、加拿大、英國、法國、德國、澳洲、日本、香港、新加坡首先發售，美國三種上台價，分別為16GB（199美元）、32GB（299美元）及64GB（399美元）。備有黑白兩色，採用iOS 6操作系統。

iPhone 5機身屬全玻璃加鋁設計，配備A6處理器及Retina顯示屏，解像度達1136x640，畫面比例是16︰9，iSight攝影鏡頭像素為800萬。機身較4S薄了18％，畫面清了20％。3G通話及Wifi上網時間達八小時，待機225小時。

上一代iPhone 4S是「蘋果教主」喬布斯生前最後誕生的作品，不過外界一直指教主的真正遺作，其實是iPhone 5。據悉iPhone 5由最初創作到後期設計，喬布斯都有親自參與，並傾注大量心血研發；早在去年底，業界已看好iPhone 5會成為備受推崇的經典之作。

手機店已收50部預訂
旺角先達廣場i世代電訊經理姚進說，目前已收到約50部iPhone 5預訂，有訂一、兩部自用的買家，亦有訂20部的公司客，認為是次新機改動較大，因此多人捧場。

G-World Mobile負責人劉志剛亦接到逾20多位客人預訂。iPhone 5能否炒起，他認為視乎香港是否同步發售，如果香港未有貨賣，估計水貨可炒到7000至9000元，高三成水位不成問題；但若香港同步有貨，雖亦「有得炒」，但時間不會長，價錢亦會較低。隨iPhone 5公布在即，劉稱過去半個月4S回收價「日日跌」，「兩星期前約為4300元，現時為3600元」，跌幅達16％。

多家電訊商近月亦有調整月費計劃，雖無直認是為iPhone 5鋪路，然而PCCW日前宣布，會推出傳言中iPhone 5將會使用的nano SIM卡，料內部對新iPhone的推出早有準備。

市場飽和 增長難
市場預期，具備四吋大屏幕及4G LTE網絡的iPhone 5，會吸引到一群兩年電訊合約屆滿的iPhone 4用戶。

不過，市場研究公司NPD分析師Stephen Baker認為，美國智能手機市場漸趨飽和，為iPhone 5要像iPhone 4或4S推出時般輕易取得龐大市佔率，添上難度。以往蘋果主要從微軟等較弱的競爭對手搶客，隨Android用家愈來愈多，蘋果要實現更快的市場增長，需要向強大的對手、即是三星等挑戰。

網上流傳喬布斯（右二）參與研發iPhone 5時的照片。

三星為蘋果主要對手，圖為早前公布的Galaxy Note 2。

深圳搗走私，檢六億元iPhone iPad，在港買貨內地客近乎絕迹

深圳海關破獲一個利用「水客」以「螞蟻搬家」方式，將iPhone及iPad由香港走私至內地經網上銷售的龐大走私集團，檢獲逾四千八百部總值逾五億人民幣（逾六點一億港元）的蘋果產品，抓獲一百零四人，包括四名香港水貨客在內共六十八名疑犯正被內地刑事拘留。深圳海關該行動後深港水客走私情況急降，本港水貨手機店亦指三月底開始「冇乜人要貨」，生意大減三、四成，新iPad及4S炒價亦因而急跌。

深圳海關年初發現一間在全國近百城市都有加盟店的「藍優數碼」淘寶網店，在iPhone 4S仍未在內地開售前，以低價大量銷售產品，緝私部門展開調查，發現該店部分出售的是「水貨機」，該店收到定單後會向內地三大水貨供應商要貨，供應商再委託「水客」組織在港帶貨上深圳，形成有約十個走私團伙的集團。
海關上月廿六日派四百多名緝私人員分六十七個小組，在深圳、北京、廣州及成都等地同時展開行動，除拉人及扣貨外亦扣查現金二百多萬元，查封銀行帳款逾四百萬元，估計涉案網店單在去年已銷售走私iPhone及iPad逾十萬部。有指涉案網店昨晨刊登聲明指傳媒報道不實，會保留法律追究權利，但淘寶網站中午前已把該網店關閉。

在港買貨內地客近乎絕迹

旺角一間手機商負責人劉志剛指出，案發前每日有八至十名內地客購貨，每人五十至一百部，但現時幾乎銷聲匿迹，新iPad及4S炒價亦由最高峰比正價貴五百至七百元，跌至與正價相若。

iPad 2 今開售，業者料亦難炒

白色 iPhone 4炒唔起，有炒家轉移寄望今天開售的 iPad 2，希望水位能達到 1,000元水平。不少人已決定到各大經銷商排隊入貨，料今早會出現人龍；不過回收商潑冷水，指 iPad 2炒味不濃，料回收貨只較定價高 500至 800元。

入門價 3,888元

據蘋果香港官網顯示， iPad 2今天將於本港開售，最便宜 16GB wifi版入門價為 3,888元，若等不及網上訂貨，可選擇到百老匯、豐澤等經銷商買現貨。豐澤發言人昨指， 20多間分店將於今早開售 iPad 2，各店不會提早營業，但個別分店如尖沙嘴漢口道則最早於 10時發售，現時仍未清楚貨源數量。
G-world負責人劉志剛認為，內地需求有多大是 iPad 2能否炒起的因素，惟內地行貨最快下月 6日開售，因此不認為有溢價空間，炒起機會不高，「我相信經銷商唔會畀你凈價買入 iPad 2，會叫你用幾百蚊買保護貼等配件，所以放貨都唔會賺到幾多，我哋啲水貨機都唔會劈價促銷，會睇定啲先」。 

白色 iPhone 4炒唔起，貨源充足，水位僅數百元

白色 iPhone 4炒不起，回收商馬輝昨上午收了 20多部，價錢只較原價高數百元。

全城蘋果迷引頸以待的白色 iPhone 4昨日抵港，部份炒家得手後即到旺角先達商場放貨，但由於貨源充足，回收價只較買入價高出數百元，跟去年黑色 iPhone 4行貨回收價企硬近萬元以上不可同日而語。有手機商指，內地客現時對白色 iPhone 4持觀望態度，料日內回收價不會有太大升幅，「炒唔起， iPad 2回收價都只會高少少，除非好多大陸客要」。

短期難衝破 6000元

放大圖片

梁先生（左）與友人到中環購入 iPhone 4後，即到先達放貨，賺得 800多元，坦言已心滿意足。

白色 iPhone 4昨凌晨登陸香港，至昨日早上各電訊商門市已獲派貨， 16GB定價 4,988元。記者昨早 10時許在將軍澳區的 3門市要求買白色 iPhone 4，職員表示可即時出機，「 16GB同 32GB都有，唔使心急」。記者再到旺角區的數碼通及 3門市，兩店職員均表示貨源充足，客人可以續約或以贖約方式買機，又指「收工之後六七點先嚟都仲有貨」。
在先達售賣和回收 iPhone的朝樂電訊負責人馬輝表示，早上 11時開門後一小時內已收了十多部白色 iPhone 4， 16GB回收價由 5,600至 5,800元不等，「我收都收咁多，邊有得大炒，炒家賺少少都仲得」。 G-World Mobile負責人劉志剛表示，回收價短期內難衝破 6,000元關口，「一來部機都出咗咁耐，有人試過自己整個白色版本，冇咩新鮮感，分分鐘幾個月之後又有第 5代；二來內地客一直唔肯出價，好多人覺得唔值得畀貴啲去買白色」。
昨日到先達放貨的人絡繹不絕，劉志剛稱上午已回收近 30部機；及至下午，先達場內回收價仍然「低水」， 16GB回收價由 5,250元至 5,800元不等， 32GB則高 800至 1,000元。

賺 800元心滿意足

市民梁先生及友人昨早於中環區數碼通，以 5,188元購入白色 iPhone 4凈機毋須上台，隨即趕往先達放貨，獲「高價」 6,000元回收，他坦言對價錢感滿意，「即賺 800喎，又唔使點排隊」。其友稱，昨凌晨曾到中環排隊買機不果，現場有人聲言會以 7,000多元高價收機，「冇法子，排唔到自己」。
另一名李先生則以 5,800元放機，他表示價位尚可接受，「自己都係用開 iPhone 4，賺到嘅其實咪當賺台費囉」。

黑白 iPhone 4行貨炒價

•黑色 iPhone 4 16GB
2010年 7月 30日發售
定價 4,988元
最高回收價 9,200元

•白色 iPhone 4 16GB
2011年 4月 28日發售
定價 4,988元
最高回收價 6,000元

炒燶 iPhone 4周街蟹貨

蘋果 iPhone 4終於炒燶！隨着蘋果官網自周日起大開中門供應 iPhone 4，炒家信心近兩日逐漸崩潰，出現「大時代」式恐慌性拋售。一部 16GB版本 iPhone 4行貨原價$4,988，上星期炒價約$5,200，呢兩日一度跌至$4,700，每部要蝕$288，全港頓時遍地唉瘋蟹民，長達九個月嘅全民喪炒期告終。

一日收過千部

放大圖片

有蟹民托一大箱 iPhone 4去先達放機，有在場網民話，連埋鏡頭以外嘅新機，該蟹民一共蟹咗 260部。

「好似世界末日咁，連床下底儲埋幾件貨都拎埋出嚟放，個價有乜可能唔冧？」旺角先達水貨商劉志剛形容，近兩日先達有大量炒燶唉瘋嘅蟹民散貨，佢間舖一日就收過千部機。八方在網上見到一張相片，有人抬一大箱 iPhone 4到先達脫手，目擊網民指鏡頭外其實仲有過百部機，據稱呢個蟹民每部$4,800元一口氣放售 260部，以每部蝕 200蚊計，咁就冇咗 5.2萬元。
人人怕坐艇，唔少蟹民網上散貨，「你係咪要 iPhone 4？我 4,800賣畀你」。多個討論區都有人出讓全新 iPhone 4，平均價$4,800，要錢唔要機，坊間盛傳某「數字台」電訊商有 3萬部 iPhone 4存貨，可能係全港最巨「大閘蟹」。
今次 iPhone 4炒價崩圍，全因蘋果突然持續出貨。有蟹民指過去蘋果官網開售 iPhone 4，唔夠一個鐘頭就被訂爆，出貨期亦要兩星期以上，好多時仲被蘋果 cut單，所以通常一開賣就有咁多訂咁多。點知周日開始蘋果官網 iPhone 4長賣長有，炒家心知不妙想 cut單，蘋果卻已經送貨，結果即時扮蟹。

水貨仍有市場

放大圖片

此外，以前買家向蘋果退回 iPhone4，只係畀 100蚊手續費，但早前蘋果更改條款，退貨要扣機價 15%費用，即係以$4,239回收，炒家唔想上身即蝕$745，有蟹民更呼籲「苦主」去銅鑼灣蘋果總部抗議！
16GB版本 iPhone 4炒價最高峯達$9,800，劉志剛叫炒家鎮定啲，因為內地 iPhone 4定價貴香港 1,000蚊，水貨仍有市場，「跌極都值$4,900，只要大家唔恐慌性拋售，個價會企穩」。