Memory's Cards + Gifts (2013年白色情人節 DIY 精選禮物)

全部 HAND MADE(纯人手製作),精心設計,款式精緻;全部都是獨一無二,送給特別的你!!
本網誌將調整圖片及影片顯示,適合大家在 iPad 直向瀏覽本網誌 !!

大家現在可以在 Facebook Fans PageTwitter 追蹤本網更新及歡迎大家給與意見 !!
只要對「 iPhone vs It 」讚好(Like) 或者按 Follow 以後就可以係 facebook/Twitter 收到本網誌最新資訊 !!

新 Blog ~~ Migrate iPhone To Android !! 
如果你想由 iPhone 轉去 Android Phone 就一定要睇吓 !!!
如果由 iPhone 轉去 Samsung Android Phone 就更加要睇吓 !!!





自訂搜尋

2008年12月6日星期六

iPhone & iPod Power Station (1000mAh)

去咗深水埗電腦節,係其中一檔買咗個 iPhone & iPod Power Station (1000mAh),有黑色同白色兩款選擇,HK$99 都算平,又輕又細都幾方便 !!


不過呢件野都設計都幾好,當無叉緊電時按吓個箭咀就會著藍色燈顯示番仲有幾多格電


當用 USB線叉緊電既時間,藍色燈會由下向上閃動顯示叉電既狀況,當叉滿電就會四著晒燈

而將 Power Station 插入 iPhone 就會開始為 iPhone 充電,而 iPhone右上角亦會有 Icon 顯示正在充電中

深水埗電腦節呼籲暫停入場



(明報)12月6日 星期六 17:30
由於深水埗電腦節參觀人潮太多,主辦當局呼籲市民今日不要前往,可改為明日或後日到場。

香港電腦商會表示,截至下午3時,參觀人潮已達5萬人次,由於現場有太多人,警方已實施人潮管制措施。而商會亦呼籲市民,可在明日或後日才到場,以免擠擁。

一年一度的深水埗電腦節將於2008年12月5-8日在黃金商場外的桂林街,褔榮街及褔華街舉行 !!

開放時間:
12月5日(星期五) 早上十一時 至 晚上十時
12月6日(星期六) 早上十時 至 晚上十時
12月7日(星期日) 早上十時 至 晚上十時
12月8日(星期一) 早上十時 至 晚上九時

================================================================

咁啱今日我就係下晝四點幾去到,真係由地鐵月台開始已經迫,初頭都係人群中排隊一步一步向前行,但行行吓聽到廣播話因為太多人,已經停止放人入去會場,最快都要輪候2個小時,警察不停叫d人回去等聽日再早d去過。

嘩!! 山長水遠先來到,就咁返屋企?? 諗住由橫街兜入去,點知都比D阿Sir封鎖晒,黃金同高登四周都被封鎖及人潮管制 !! 最後憑著廿幾年去登高既經驗,先由高登正門(欽州街)上一樓再迫成10分鐘去到另一邊落樓梯出番桂林街,果然入到去會場,大家如果聽日去都可以用呢招唔駛排隊及受「人潮管制」!!

因為都慢慢迫咗一陣高登,重大消息 -- 大部份係樓下擺街邊既 LCD (Topcon/BenQ/Viewsonic/Samsung)係高登都係賣緊同價 !!!!!!!!!! 駛鬼排餐死 !!!!!!!!

仲有d USB手指都係差唔多價 !! 都唔知點解個個都去排隊買 Sharp 既 USB 手指 !!!!!


今次最主要都係賣 LCD/LCD TV/USB 手指/Memory Card/2.5" USB Harddisk/Printer/高清解碼器/Digital Camera.......無乜特別,都係散貨,比腦場平時平少少,電腦節過後都會買到呢個價 !!



我都係其中一檔買咗 iPhone & iPod Power Station (1000mAh),有黑色同白色,HK$99 都唔知平唔平 ?!

2008年12月5日星期五

GoHan 御飯情報 (香港餐廳搜尋軟件)



之前都介紹過一個香港餐廳搜尋軟件 FoodEasy ,今次介紹既係一個類似既軟件,同樣可以利用 iPhone 既定位功能去幫你搵出你所在位置附近既食店資料;而呢個 App 係可以顯示食評同人流等位狀況,不過呢個係新軟件所以得好少食評,同埋無幾多人去報告人流資料。

不過呢個軟件就夠簡單易用同反應好快,最緊要係好穩定唔會亂跳出去 Home Screen !!

最貼心係一版裡面有晒地址電話同地圖,只要按"電話"公仔就可以打去 Book 位,按落去幅地圖就會開個 Google Map,咁你就知同間食店距離有幾遠,跟著 Google Map 就識得去搵,用到晒 iPhone 既特有功能 !!



Price : Free App

iEasyCamera (方便自拍影相)



用過 iPhone 影相都知道如果要玩自拍都幾難就位同影得好睇,因為要就位又要按到Home個對上少少個"影相" Icon,有時一按部機就會擺動;今日介紹呢個軟件就可以幫到你,用咗呢個App只要你點到個 Screen就會影相,咁玩自拍就會易d同方便好多。



Price : Free App

Night Camera (影夜景靚相)



呢個軟件可以幫助大家影夜景相既時候幅相唔會鬆、郁、朦 !!

因為個軟件會利用 iPhone 特有既"方向感應器",只要你部iPhone穩定住5秒鐘就會自動幫你影相。

就係咁簡單,完全無用程式去執過幅相。



Price : US$0.99

WorldNow (世界天氣時間)


因為工作關係,好多時都會同其他國家同事聯絡,但大家時區又唔同,好似美國澳洲同英國就已經好難記,同埋佢地都有東西岸時間,夏天仲要加埋夏令時間,好多時想打電話過去都要先 Check Check 佢地當地時間 ;

今日比我係 Apps Store 搵到一個免費軟件 WorldNow ,有齊晒世界各大城市既當地時間而且仲有埋當地天氣同未來四日天氣預測 !! 最適合去旅遊或者外國有朋友既用家 !!

下次打比同事既時候就我就可以先吹吓水講講天氣,然後先再開始傾公事 !!


只要按 WorldNow 右邊的 i 字就可以將溫度轉番用攝氏 (C) 顯示


按左邊既 Edit 就可以調整顯示次序、或者刪除城市

按右邊既 + 就可以打入城市名頭幾個字就會自動搵到城市同國家名


Price : Free App


2008年12月3日星期三

Reading (Yahoo ! 香港 - 即時新聞閱讀器)


香港既 Programmer 又寫咗一個好方便既 Application,"Reading" 係一個 Yahoo! 香港-即時新聞閱讀器,好唔好用就見仁見智,但反應快同穩定就一定做得到 !!!

美中不足係每次開既時候都立即下載更新,最好係可以離線使用,當有WiFi連線時先自動更新(或者可以人手去更新)就最好 !!



在 More 版面裡面按 Edit ,你就可以自訂番你想睇既新聞同 Icon 既排列次序


同時你都可以選擇用純文字顯示模式,還是用網頁模式顯示新聞內容


Price : Free App