因為我都好穩陣，通常我由 iPhone 過相去電腦都唔會立即 Delete 埋d相，再過多一次時先剔埋 Delete pictures..... 或者用 Windows Explorer入去 iPhone 度 Delete !!
點知當第一次過相既時候，過咗三十幾張既時候就彈咗個 Windows，總之就話有張相同名問 Skip 定 Cancel，咁咪揀Skip，如是者問咗三次，都心知不妙，不過都過晒d相剩係欠三張 skip 咗既，都諗著算數費事煩 !!
按照以前既做法，將過咗去PC既相move去另一個folder，跟住再 sync 一次揀埋 Delete pictures....；又係問咗三次 Skip 定 Cancel，當d相再一次sync晒去PC開始Delete iPhone Photo既時候，我部 iPhone就自動 reboot只係見到白蘋果 Logo，點知等咗好耐都 boot 唔番去 slide to unlock 果一版，咁咪按 Power+Home 人手再 reboot 睇吓 boot 唔 boot 得起部機，等咗5分鐘都 boot 唔到，如是者 reboot 咗三次都唔得 !!
心諗著呢次仲唔死，預備再 restore 部 iPhone 既時候，部 iPhone 終於可以 boot 得起(boot咗大約8-10分鐘)，所有野都正常，無 Data loss，同埋 Camera Roll 裡面既相一張都無 Delete 到 !!!
試番晒d野無事無野唔見之後，咪諗著人手用 Windows Explorer 入去 iPhone Photo 度 Ctrl-A，再加 Shift-Delete 快d Delete 晒 Camera Roll 既相，哈哈....P 佢個 K 呀 !! 部 iPhone又白蘋果 reboot，呢次醒唔理佢望著隻表，足足等了8分47秒先入boot得番 !!
上網用 Google 去 search，原來都有好多人有相同既問題但無解決既方法，個個都話只有唔好 Delete iPhone d相就會相安無事 !!!
作為一個 IT 人係唔會咁易認輸，(下刪幾百字)........(用咗個幾鐘, boot 咗幾次機)..........終於令部 iPhone 可以再 sync/delete 相都無問題 !!
如果大家都咁唔好彩就試吓我既方法去 Fix 番個 Camera Roll (我既方法係要 JB 既 iPhone 先做到)!!!
用 WinSCP 或者 iTunnel 連接入去 iPhone 度，去番 /private/var/mobile/media/DCIM
跟著將 100APPLE 同 999APPLE 兩個 Folders 裡面既 JPG 同 THM 既 files 都要 delete 晒就可以 (記著唔好快快手連 100APPLE 同 999APPLE 呢兩個 Folders 都 delete 埋，要留番 !!)
現在我 reboot 部 iphone 只係需要62秒既時間，仲快過剛剛由 FW 2.1 昇上 v2.2 既時候 !!!
沒有留言:
發佈留言