微軟與雅虎結盟，就網絡搜尋器簽訂10年期的合作協議，挑戰最大搜尋網Google的地位。歷經合併談判破裂及股東施壓，雅虎與微軟終於決定結盟。
根據協議，雅虎旗下網站會使用微軟最新的Bing搜尋引擎，雅虎就會負責所有廣告銷售相關業務，包括銷售搜尋結果旁邊出現的廣告，協議為期10年。Bing會成為雅虎獨家的搜索引擎及收費廣告搜尋平台。微軟會獲得第二大搜尋網站雅虎的用戶，以及雅虎核心搜尋技術，並將有關技術整合到本身互聯網搜尋平台，微軟會以透過分享銷售收益，向雅虎提供報酬。
協議首5年，搜尋網站八成八收入會給予雅虎。有關協議，要等美國反壟斷部門審批。雅虎估計，協議會令每年經營溢利增加5億美元，並可節省超過2億美元資本開支，因為雅虎無須再投資搜尋科技。市場原先估計，與微軟結盟，雅虎最多可以收到10億美元作為結盟代價。投資者對利益感到失望，令雅虎股價大跌一成二。分析員指出，微軟是大贏家，微軟去年本來想以475億美元全面收購雅虎，雖然失敗收場，但微軟改變策略，無須用現金，就可以一下子增加在搜尋網站市場的佔有率。但雅虎與微軟目前的佔有率只有兩成八，要挑戰GOOGLE搜尋網站的地位，仍然有一段漫長的路。
2009年7月30日星期四
2009年7月29日星期三
myEPG (無線電視高清電視及收費電視節目表)
初頭見到個 App 名仲以為會有齊晒各個高清電視頻道既節目表，但一睇係 TVB 既製作就知實無其他電視台 !!
我都期望咗好耐會唔會有人寫個香港電視節目表比 iPhone，終於都叫做有，不過就唔齊全；如果有個會有埋 ATV、Cable、Now 既電視節目表就 Perfect !!
入到個 App 既主頁就係"播放中"既節目，不過我發現係有 Bug 的，我 Capture 圖既時間係 13:55 翡翠台應該係播緊"都市閒情"，但佢仲話做緊"午間新聞 (睇睇再下面兩張圖就知道明明係播緊"都市閒情") !!
入番去"所有頻道"，只要選擇番你想睇既電視台頻道名，就會睇到一個星期內既節目表；"播放中"既節目係會變咗做灰色底色
而我個人覺得最好既野就係某d節目係會有簡單既介紹，而劇集仲有埋集數同預告
而係"設定"頁就可加入/刪除電視頻道，更加可以心水既頻道排係最高方便查閱
訂閱：
文章 (Atom)