蘋果 iPhone 4終於炒燶！隨着蘋果官網自周日起大開中門供應 iPhone 4，炒家信心近兩日逐漸崩潰，出現「大時代」式恐慌性拋售。一部 16GB版本 iPhone 4行貨原價$4,988，上星期炒價約$5,200，呢兩日一度跌至$4,700，每部要蝕$288，全港頓時遍地唉瘋蟹民，長達九個月嘅全民喪炒期告終。
一日收過千部
「好似世界末日咁，連床下底儲埋幾件貨都拎埋出嚟放，個價有乜可能唔冧？」旺角先達水貨商劉志剛形容，近兩日先達有大量炒燶唉瘋嘅蟹民散貨，佢間舖一日就收過千部機。八方在網上見到一張相片，有人抬一大箱 iPhone 4到先達脫手，目擊網民指鏡頭外其實仲有過百部機，據稱呢個蟹民每部$4,800元一口氣放售 260部，以每部蝕 200蚊計，咁就冇咗 5.2萬元。
人人怕坐艇，唔少蟹民網上散貨，「你係咪要 iPhone 4？我 4,800賣畀你」。多個討論區都有人出讓全新 iPhone 4，平均價$4,800，要錢唔要機，坊間盛傳某「數字台」電訊商有 3萬部 iPhone 4存貨，可能係全港最巨「大閘蟹」。
今次 iPhone 4炒價崩圍，全因蘋果突然持續出貨。有蟹民指過去蘋果官網開售 iPhone 4，唔夠一個鐘頭就被訂爆，出貨期亦要兩星期以上，好多時仲被蘋果 cut單，所以通常一開賣就有咁多訂咁多。點知周日開始蘋果官網 iPhone 4長賣長有，炒家心知不妙想 cut單，蘋果卻已經送貨，結果即時扮蟹。
人人怕坐艇，唔少蟹民網上散貨，「你係咪要 iPhone 4？我 4,800賣畀你」。多個討論區都有人出讓全新 iPhone 4，平均價$4,800，要錢唔要機，坊間盛傳某「數字台」電訊商有 3萬部 iPhone 4存貨，可能係全港最巨「大閘蟹」。
今次 iPhone 4炒價崩圍，全因蘋果突然持續出貨。有蟹民指過去蘋果官網開售 iPhone 4，唔夠一個鐘頭就被訂爆，出貨期亦要兩星期以上，好多時仲被蘋果 cut單，所以通常一開賣就有咁多訂咁多。點知周日開始蘋果官網 iPhone 4長賣長有，炒家心知不妙想 cut單，蘋果卻已經送貨，結果即時扮蟹。
水貨仍有市場
此外，以前買家向蘋果退回 iPhone4，只係畀 100蚊手續費，但早前蘋果更改條款，退貨要扣機價 15%費用，即係以$4,239回收，炒家唔想上身即蝕$745，有蟹民更呼籲「苦主」去銅鑼灣蘋果總部抗議！
16GB版本 iPhone 4炒價最高峯達$9,800，劉志剛叫炒家鎮定啲，因為內地 iPhone 4定價貴香港 1,000蚊，水貨仍有市場，「跌極都值$4,900，只要大家唔恐慌性拋售，個價會企穩」。
16GB版本 iPhone 4炒價最高峯達$9,800，劉志剛叫炒家鎮定啲，因為內地 iPhone 4定價貴香港 1,000蚊，水貨仍有市場，「跌極都值$4,900，只要大家唔恐慌性拋售，個價會企穩」。
沒有留言:
發佈留言