iPhone Apps : 七月十四盂蘭節系列 (鬼節 Apps)

《香港靈異故事》
售價：US$2.99（折約 $23.3港元）

臨近農曆七月十四中國鬼節，阿媽會叫你唔好咁夜返屋企，八八卦卦的朋友、同事提到個「鬼」字都住口不言，但愈故作神秘只會令人愈驚。世上確實曾發生過好多解釋唔到的事情，電子書《香港靈異故事》就收集了45個香港靈異故事，是真是假就由讀者自行判斷。

45個香港靈異故事中，話唔埋有提到你住緊的地方！

《撞鬼．驅鬼》
售價：US$4.99（折約 $38.9港元）

萬一唔好彩撞鬼點算呀？靈異節目主持人潘紹聰所著的《撞鬼．驅鬼》或者可以作為參考資料。這本電子書輯錄了10個撞鬼個案和8個驅鬼個案，不幸遇到相類似的情況時，都可以了解其他人的做法。時運高遇唔到，就當係認識一下另類行業都有得益。

書中除了講述真實的撞鬼個案，也有驅鬼實錄，遇到同類情況可以作為參考。

《See Ghost》
售價：US$0.99 （折約 $7.7港元）

唔使驚，呢張唔係靈異照片，而係用iPhone App《See Ghost》造出來的效果。這程式說穿了其實跟平時用的相框功能差唔多，只不過相框圖案換成鬼魂的影像。用家可以即拍或將相簿內的相片合成出一張恐怖的靈異照片，搞笑、驚嚇，悉隨尊便。

將相片和鬼魂影像合成，唔知情的人以為是真的靈異照片都唔出奇。