網上熱播 : 寶馬靠害釀車禍

一段車禍片段熱爆 YouTube網站，片中一輛紅色福士車於屯門公路慢線行駛，其後欲切入快線時，快線上遭爬頭的一輛銀色寶馬刻意扭軚撞向福士，福士遭撞向慢線一輛巴士車頭，幸最後無人受傷。警方證實案件，但已結束調查。專家指寶馬司機存心靠害，「明明人哋爬過咗你想切線，你死都唔讓仲撞人，直情係蓄意謀殺！」

該片段名為「交通意外 21-3-2010/2： 45pm」，長 1分鐘，至昨晚已有逾 2萬人觀看。警方發言人證實，本月 21日下午 2時 48分左右，一輛私家車與一輛巴士於屯門公路往荃灣方向近青朗幹線附近發生意外，私家車司機姓劉，警方紀錄指私家車沿一線行駛，發現前面有一輛巴士，遂朝二線爬頭，卻為閃避另一輛汽車而與巴士相撞，事件中無人受傷，案件已結束調查。


紅色福士欲切入快線時，遭銀色寶馬狂撞，福士再被慢線的巴士撞中。

「咁樣撞真係蓄意謀殺」
交通安全顧問及前職業賽車手呂米高觀看片段後表示，片段中清楚看到福士已爬過寶馬車頭，但寶馬司機不願收油讓福士切線，之後的撞擊更是「 100%蓄意」，「冇可能留意唔到架紅車，唔畀佢入已經大問題，之後咁樣撞真係蓄意謀殺，我哋以前鬥車都唔會啦，警方可以告危險駕駛。」
香港汽車工業學會會長李耀培認為，周末有不少「假日司機」駕車外出，建議他們應特別小心留意路面的交通情況，「好似行公路、巴士上斜會慢啲，都要注意，可以嘅話就唔好爬頭啦。」