所謂「一命二運三風水、四捨五入犯太歲…」，無論閣下條命生得幾好，若果風水唔配合，做事都會事倍功半。從五行觀點來看，隨身攜帶與自己相合的物品，也能在新一年開運避災，趁今日大年初一，請麥玲玲師傅教大家揀選至夾自己嘅五行手機！
玲玲師傅話每個生肖都有自己的五行屬性，根據土生金、金生水、水生木、木生火、火生土的五行相生理論，以生肖屬虎五行屬木為例，就可以揀水系嘅Motorola手機嚟催旺自己運程，顏色則要選藍色或黑色。
最旺Top 3
No.1 得意牛
生肖屬性︰土 揀機屬性︰火
牛仔牛女虎年桃花運極旺，可以覓得一段穩定的美好姻緣；加上另一吉星「天乙」相助，與上司的關係親近，地位有機會再提升。今年事業愛情兩得意，最好揀部櫻桃紅LG Lollipop GD580凸顯品味，兼令自己旺上加旺！
No.2 人緣羊
生肖屬性︰土 揀機屬性︰火
有「月德」貴人星入宮，再加上「玉堂」星從旁協助，事業發展順暢。惟受凶星「小耗」影響，容易破財，所以買手機唔好買太貴，例如二千蚊有找的Lenovo P82，萬一跌咗都冇咁肉痛！
No.3 財神兔
生肖屬性︰木 揀機屬性︰水
雖然工作仍然忙碌，但收入終於與付出成正比，而「天空」吉星有利對從事創作及設計工作的兔仔兔女。搵到錢不妨買部型格手機畀自己，Motorola新出的Milestone是不二之選。
最霉Top 3
No.1 黑臉虎
生肖屬性︰木 揀機屬性︰水
虎仔今年犯太歲，經常會有小人從中作梗，猶幸有「歲駕」吉星拱照，有利從事地產、保險等收入唔穩定嘅行業，建議買部BlackBerry Bold 9700，可存取最多10個Email帳戶，不用錯過任何搵銀機會。
No.2 變動猴
生肖屬性︰金 揀機屬性︰土
肖猴者今年與太歲相沖，是十二生肖中變動最大的一個，對人緣、財運都有壞影響。但由於「驛馬」星動，今年出差機會特別多，買部機身輕巧兼有強大導航功能嘅Nokia N97 mini便至啱你！
No.3 是非蛇
生肖屬性︰火 揀機屬性︰木
今年是非多，人事關係更是糾纏不清，與自己無關的事情，切忌給予意見。最好買部SE Naite J105，一來低調，二來設計切合綠色環保概念，容易給人好印象。
其他生肖
上位龍
生肖屬性︰土 揀機屬性︰火
在「國印」星帶動下，今年事業步步高陞，感情方面則要採取主動，買部新鮮熱辣登場嘅LG BL20，就可以跟對象打開話題。
憂慮馬
生肖屬性︰火 揀機屬性︰木
馬仔今年地位及權力都有所提升，但要小心被凶星「五鬼」影響情緒，建議買部色彩繽紛兼可換殼嘅Samsung Corby S3650C，讓自己保持心境開朗。
沉靜雞
生肖屬性︰金 揀機屬性︰土
肖雞者今年較為平淡，但有「紫微」及「龍德」兩顆貴人星相助，梗係要買機王iPhone 3GS先襯得起，若加埋個螢光黃機殼就更加型爆！
獨立狗
生肖屬性︰土 揀機屬性︰火
狗仔狗女無論工作或感情都有孤軍作戰的意象，就買部「卡娃兒」到爆嘅Docomo N-01B粉紅特別版，孤芳自賞！
勤力豬
生肖屬性︰水 揀機屬性︰金
今年有多顆吉星拱照，每事均能逢凶化吉，但留意有機會損失大額金錢，不如先買保值的Google Nexus One。
平淡鼠
生肖屬性︰水 揀機屬性︰金
老鼠仔運程相當平穩，但正偏財運均弱，即使有錢亦建議轉化為實物，買機應以大路款式如HTC Hero較佳。
沒有留言:
發佈留言