App Store 掃黃，係咪有雙重標準？

最近若果有去 App Store，可能會發現無咗幾個「養眼 Apps」；早前蘋果在 App Store大掃除，將佢認為唔合適嘅 Apps清除晒。而所謂嘅唔合適呢，網上亦有唔少報道，例如係無論男女都唔可以有泳衣照，甚至緊身衣都話唔准（唔知體操運動員嗰件又得唔得呢？）！喺呢個尺度下，自然好多 Apps都無咗！

香港嘅周秀娜 App都消失咗；本來蘋果統一呢個標準都無話可說，但好似 Playboy App呢啲咁出名嘅，竟然可以照樣任憑下載，咁係咪有雙重標準先？