ING 保險嘅員工每人獲贈 iPod Touch

打工仔日做夜做咁辛苦，除咗為兩餐外，當然最想得到上司嘅嘉許。尋日每位 ING 保險嘅員工就過咗個「Happy Monday」，事關公司高層非常貼心，眼見今年生意增長強勁，尋日送畀全體近400名員工一個「Big Suprise」—一人一部 iPod Touch，以示鼓勵。

負責送上驚喜嘅係ING高層夏哲偉同楊斌官，佢哋用「洗樓」形式逐層逐層去到唔同部門，親手將iPod Touch送到每位員工手上，兼且勉勵一番。

打氣短片激勵士氣

個個員工事前都毫不知情，所以見到兩位高層出現時都既驚且喜。

呢部 iPod Touch 非常珍貴，太子想喺街買都買唔到，因為每部 iPod Touch 背面都用雷射刻咗「1 Billion Milestone in 2010」（10億里程碑）同「ING Hong Kong Management」嘅字眼，又下載咗十分鐘打氣短片，意指今年公司要做到10億元新保費嘅目標。雖然今年剩番兩個幾月，但現時距離目標相差不足10%，極有機會達標，唔知到時 ING保險又會送啲咩畀同事呢？