香港人向來精於搵快錢，不少人窺準 iPhone 4長期供不應求，加上使用信用卡訂購，無本生利，造就「全城炒 iPhone熱」。有炒家三個月來已轉手過 60部 iPhone 4，淨袋逾 10萬元外快，形容這盤生意一本萬利，「炒 iPhone唔可以發達，但一定好過抽新股」。
有退貨保證冇得輸
iPhone 4有得炒全因長期供不應求，訂購後最少要等三至五星期才收到貨，加上是用信用卡訂購，毋須按金，更有利炒賣。從事資訊科技工作的 Kelvin， 8月中加入炒家行列，利用自己和家人信用卡，越訂越多，放貨會直接聯絡內地和香港水貨商格價，又專攻利潤較低但訂購等候時間較短的 32GB版 iPhone 4，至今已成功轉手 60部，淨賺過 10萬元。
Kelvin形容炒 iPhone 4冇得輸：「蘋果有 30日退貨保證，最多扣 100蚊速遞費，就算坐艇都係蝕少少。」 Kelvin仍有超過 40部定單未到貨，希望不會被「 Cut單」。與 Kelvin一樣的炒家網上大有人在，各大討論區都有網民交流心得，更有人架設「 iPhone 4放機報價系統」（網址 http://iphonestock.org），方便炒家與水貨商 24小時報價和交易。
不過網上亦有不少聲音批評這股全城炒 iPhone熱，指摘炒家連累用家遲遲收不到機，如今更已無法訂購。
沒有留言:
發佈留言