斥唐英年壞榜樣， 700師生齊鼓掌 !! 官校教師：我要有權選特首 !!

唐英年昨向逾 700名師生硬銷政改方案，但明顯未為在場師生接受

唐英年昨日在教育局的副局長陳維安和政治助理楊哲安陪同下，到位於北角的官立庇理羅士女子中學，出席該校的政改講座。唐面對逾 700名師生硬銷政改方案，又以讀書升班比喻普選，指落實普選要「讀書咁一級一級咁升」，聲稱市民現時要求政府交出普選路線圖，就如「將畢業試卷嚟考我，我可能會唔及格」，市民應以「今日我就讀嘅班級程度嚟考我」，「呢一份試卷我可能攞唔到 A，但係起碼可攞到 B。」

學生問如何回應 50萬票

唐英年的政改「升級論」一出，明顯未為在場師生接受，有學生在答問環節質問唐英年，政府如何回應 50萬投票支持公投的市民訴求，又問唐英年若以一人一票普選特首，「你認為你能唔能夠當選？」唐稱昨日指「唔係討論個人係咪參選嘅問題」，拒作回應。

此時，通識科教師吳美蘭舉手追問，質疑過去在學校推行公民教育，一直教導學生選舉時要投票履行公民責任，但唐與一眾問責官員在剛過去的合法補選中表明不投票，她直斥政府的做法是壞榜樣，「你哋係做咗學生嘅反面教材」，「我作為一個老師，我都唔知點同同學講」。她又質問唐英年 2017年一人一票普選特首時，「到時我哋嘅同學應該點做呢？」立即引來全場學生掌聲力撐。

唐英年啞口無言兼苦笑
吳美蘭又強調，她只是一名普通市民，並非 80後青年、或公民黨、社民連成員，她是基層出身，昨日質問唐英年，因為「我好想話畀你聽，雖然家 2017年特首普選，好多細節未落實，但係我想你聽聽我講，亦都聽聽好多在座老師同同學講，佢哋都想做到呢樣嘢。」她更把早已準備的「我要有權選特首！」標語舉起，全場掌聲更盛。逾十秒掌聲中，唐英年啞口無言，之後只能苦笑稱：「我多謝吳老師嘅問題，我相信吳老師一定係喺學校好受歡迎，因為你一舉手，即刻有熱烈掌聲。」

座談會後，吳美蘭婉拒接受記者訪問。唐英年事後未有再直接談及事件，但他強調希望各界以理性討論政改，要深入了解，獨立思考，又指口號可能簡單吸引，但必須思考背後的邏輯，再作判斷。