Apple iPad 在美國開售當天賣出逾 30萬部

蘋果昨宣佈， iPad上周六在美國開售當天，成功賣出逾 30萬部。蘋果行政總裁喬布斯（ Steve Jobs）揚言 iPad將會顛覆整個市場。網上湧現各種 iPad測試報告，發現其屏幕非常耐刮，但切忌入水及撞擊。喬布斯在聲明中指出，現時平均每名 iPad用家下載三個應用程式（ Apps）及約一本電子書。 CNN引述分析員稱，估計開售兩天，可售出 60至 70萬部 iPad。 iPhone 3GS去年開售三天，即售出 100萬部。

屏幕耐刮但不防水
近日網上湧現大量測試報告。美國電腦雜誌網站 PCWorld的測試發現， iPad的堅固度不如 iPhone。當 iPad掉到地毯上三、四次，屏幕就出現裂紋，但操作如常。一般體重的成年人坐上 iPad，卻不會壓毀。iPad的屏幕非常耐刮，就算用鐵釘亂刮，屏幕也絲毫無損。背面金屬殼則非常脆弱，用鑰匙也可輕易刮花。 iPad也不防水，機身被咖啡或水冲洗後一至兩分鐘即失靈。YouTube網站有短片直擊美國人在街頭「虐待」 iPad，把機身擲到地上數次才破裂，用棒球棍則一擊即碎，殘骸變形扭曲，短片一天內吸引三萬多人觀看。

信徒心聲「早買早享受」，買家讚夠大夠快
「早買早享受，遲買平幾嚿」，以高出原價近一倍價錢購入水貨 iPad，除了要快人一步，最重要還是要夠潮。昨晨 11時即到水貨店購入心頭好的鄧先生，表示因工作需要購入 iPad，但他亦笑指新玩意外形「又靚又潮」，「行出街用一定多人望，一陣我攞佢走都唔會用袋，就咁攞住出去！」從事網上投注及保安工作的鄧先生是蘋果產品支持者， 10年來 mac機、 iPod、 iPhone已一一擁有，平日多使用 iPhone為客戶服務，但畫面太細成為致命傷，「用 iPhone睇住個閉路電視畫面，快就夠快，但係畫面唔清楚，家吓個 mon（屏幕）就夠晒照！」他笑言，所有買水貨的用家或多或少都有炫耀心態，「坐喺茶餐廳或者地鐵用，你話幾多人會望住你。」

中六生買不起等跌價
另一位蘋果忠實支持者陳先生，家中擁有四部 iPhone，「 2G、 3G、 3GS水貨同行貨，蘋果嘅嘢我就鍾意。」他上月已經訂了 iPad，昨日收到電話通知即到店取貨，試用時已愛不釋手，對新玩具讚得天上有地下無，「部機好輕，上網好快，話反光但係我又唔覺，瞓喺床度用佢睇報紙新聞真係一流。」不過，並非所有蘋果信徒都會支持 iPad，中一起已使用蘋果產品的中六生劉同學認為， iPad仍然存在不少缺點，「價錢偏高，當佢係電子書又太重，當佢做 netbook又唔夠功能……好似佢冇得開個 folder（檔案夾）去擺唔同檔案，咁你做緊幾百個文件嗰陣就會好煩。」他自稱冇能力購買 iPad，起碼要跌價至四、五千元才會考慮購買。

繁體中文及電子書　香港未支援
蘋果銷售魔力再盛，也無法掩飾 iPad的缺點，不支援繁體中文、多工作業（ multi-tasking）及 flash程式已令不少用家「頭痕」。本港蘋果 App Store現時仍未支援 iPad，用家必須先於電腦利用 iTunes下載所需應用程式，再同步至 iPad。蘋果大力推銷的電子書店 iBooks，香港同樣未支援。電腦業界形容 iPad是一本改良版電子書，美國五大出版商已表明支持 iPad，不過要訂閱 iBooks內的電子書，必須擁有美國信用卡戶口，對香港用家而言可說是沒有用途，繁體電子書更是遙遙無期。

盛傳 6月推出 iPhone 4
相反，被視為電子書界 iPad大敵的 Kindle DX，雖缺乏彩色屏幕，但現時已提供英文版電子書予用家下載，中文版則有傳今年底面世。仍在考慮是否要買 iPad？其實，現時市面上有不同款式的平板電腦，個別功能甚至較 iPad優勝，未來亦有不少對手挑戰蘋果，如搜尋引擎巨擘 Google曾表示，將利用 Google Chrome作業系統設計平板電腦'gPad'。盛傳蘋果今年 6月將推出 iPhone 4打江山，新機將採用 4G制式，支援多工作業之餘，並可更換電池。