煲呔曾潮用 Apple iPad

做領導都要潮！煲呔自從買咗人生第一個 iPhone、做咗「蘋果」粉絲後，噚日 Emily 去經濟動力嘅中小企論壇，仲見到煲呔手執一部潮爆 ipad，一路致辭，一路睇住部 iPad，十分緊貼潮流，特首唔投票有「帶頭作用」，唔知三司十二局以後會唔會跟風，一人一iPad呢？

煲呔雖然裝備充足，不過 Emily 就覺得佢噚日反而好似叉唔夠「電」，把聲聽落病病口地，可能呢排為咗政改拉票，辛苦得滯搞成咁。

講返呢個經濟動力搞嘅論壇，可謂體現咗佢口地嘅政治實力，連特首都咁畀面嚟，真係唔口野少。不過，Emily 竟然見到一個自由黨人，就係旅遊業議會主席董耀中，Emily 當然上前問佢，唔擔心畀人話佢「轉會」咩？董耀中話佢自己對個講座有興趣，係咪自由黨人「唔係問題」。