網上討論區既網友發現 "3香港" 靜靜地將上台一定要加既增值服務費由 $28 改為 $36，咁即係變相坐地起價將月費加價 !!! 而且舊有既 "3客戶"(仲有合約) 而想買 3GS 既費用(機價同預繳)都日日唔同，完全無議價既能力 !!
同埋因為你一出 iPhone 3GS 要即比機價+預繳+第一個月既月費，而預繳就只會由第二個月先開始回增，你要用足25個月先攞番晒預繳既錢，咁又變相鎖你25個月 Contract !!!
提一提大家 "3香港" 既 3G iPhone 回收價比先達低幾百元，其實只要你部 iPhone 既 Display (貼咗保護貼就99%唔會花) 無花有齊盒及配件就一定買到好價錢 (現在 iPhone 3G 16GB 全套既回收價都有 $3000-$3100)；所以都有部份網友就自己係 Apple Store 訂機，用優惠價上其他台既 Data Plan。
現在 one2free 有 $2700 台費回增比 iPhone 既用戶，不過要先係 one2free 登記咗先再去 Apple Store 或 Apple特約經銷商買機，簽約24個月選用用"智能手帳超級組合" $268-$538 既 Data Plan再，詳情大家可以打去 one2free Hotline 25123123 問一問 !!
而 uwants 既網友在13號係 Apple Store 訂 iPhone 3GS 既已經係今日收到機，而20-21號訂既網友就話預定23號都會送貨，如果你都想快快擁有就快d去 Apple Store 訂機 !!
而係 "3香港" 網上排隊既網友就話仲未收到3既通知幾時有機，睇怕最快都要7月尾8月頭先有 !!
沒有留言:
發佈留言