旅發局網及國泰同國泰航空宣布，合推 iPhone AR 「擴展實境」apps

   

依家嚟香港嘅旅客，唔少選擇自由行方式，過半數訪客仲會帶埋智能手機，所以旅發局噚日就同國泰航空宣布，合作推出用咗「擴展實境」（Augmented Reality，簡稱AR）技術嘅智能手機旅遊程式系列，係全球其中一個率先用呢種科技嘅apps咁話。

瞄準身處位置 即顯示附近景點

DiscoverHongKong Mobile App Series，包括咗兩個程式，一個係「DiscoverHongKong‧AR」，可以為旅客提供全港超過100個景點、5000間零售店同2000間餐廳，甚至係各個商場同露天市場資料。旅客仲可以透過程式嘅AR功能，利用手機內置嘅衛星定位技術同鏡頭，瞄準身處位置嘅四周，手機屏幕就會顯示附近主要景點、有咩好食等資料，一撳就有晒詳情，教埋你點去，成為全天候嘅數碼導遊。

    

另一個「DiscoverHongKong‧City Walks」就有4條唔同主題嘅市區漫步遊路線，通過AR功能，結合詳細嘅離線地圖同衛星定位系統，如同有一個專業導賞員，帶住旅客捐窿捐罅。

    

iPhone版已可免費下載

用緊iPhone嘅人依家已經可以喺 Apple App Store 免費下載，Android版本就要今年第三季先有。而電訊盈科仲可以畀旅客喺全港超過8000個Wi-Fi熱點，用手機免費登入旅發局網站同下載呢個程式。