杜惠東爆藝人秘史捱轟拒道歉

向來敢言敢寫的嘉禾前宣傳廣告部主管杜惠東，今年書展推出大爆巨星秘史的新書《繁星閃閃》，書中提及梅艷芳、成龍、林青霞、鄧麗君、王祖賢和狄娜等人的軼事及情史。但《繁》書推出後招來非議，前日阿梅歌迷會便譴責書中言詞刻薄及內容失實，要求出版社回收書，重新審核及刪去不實內容。杜惠東昨日在中環接受記者訪問時，對於被插毫不生氣，反稱有人小事化大，趁機搞事。

拒收書　「搵人劈我囉」
杜惠東昨日心平氣和地說：「聽到呢件事有啲影響心情，我要澄清成件事係我想寫回憶錄，當年我同成龍、鄧麗君都係好朋友，成日周圍去，但當時冇用筆記低，都係憑記憶，可能有啲嘢會有時間出入。」對於阿梅歌迷會指他在書中寫錯日期，杜惠東稱覺得這對整件事影響不大，他說：「黐線嘅，有乜影響？點解要搞到件事咁大？我知道阿梅歌迷想有多啲阿梅嘅新聞，有人想為阿梅做啲嘢，乘住呢件事搞大佢，搞埋我嗰份。」

杜惠東指特首被梁國雄鬧廢柴也沒問題，公眾人物難免被外界評論，但對於阿梅歌迷會提出收書，他卻說：「無理取鬧，小事化大，一係搵人劈我囉。」他在書中爆阿梅曾與江湖大佬有過一段情，問他會否擔心得罪人，他說：「江湖人物同我都係朋友，我冇講佢哋唔好呀。」杜惠東又強調自己所寫一切忠於事實，之前有人建議他可以寫李小龍的故事，但他昨日說：「我知道李小龍係好題材，但依家冇乜心機寫啦。」