Command & Conquer：Red Alert (紅色警戒 - iPhone 版 )

一年前都係呢個 Blog 同大家介紹過 C&C - Red Alert 3 (PC版) 即時戰略遊戲，真係估唔到 EA 居然可以將 Red Alert 移值去iPhone 度玩 !!



一開始就可以玩到 Campaign Mode (戰役模式)，當然你可以選擇用蘇聯軍或者係盟軍，兩者都各有6個戰役地圖，初初開始玩個 Game 會教你點樣操作控制，最好細心跟著做。



iPhone版既 Red Alert 唔係用3D顯示，地圖係2D再加上幾近3D既坦克車同士兵，畫面質素都算好，而且畫面可以用手指拉來拉去都算流暢，不過整體畫面感覺就好似玩緊第一代 PC版既 Red Alert !! 反而音效同人聲就真係幾緊張同迫真 !!

遊戲既操作控制都做得幾好易上手，左下角有三個功能鍵分別係多選、全選和隊伍組成。右邊就有步兵類生產、建築建造和機械類生產的功能鍵。另外右側既地圖和生產欄係可以收起方便戰鬥時有更多操控空間。




現在既版本係未支援 Multi-Player，而遲一步既 Update 先會有番，不過講明係唔收錢 !!

我覺得呢次係 iPhone 度玩 Red Alert 又無想像中咁難操控，唔知 EA 仲會唔會將其他 C&C 系列既 Game 再出 iPhone 版本 !!

我身為 C&C 既 Fans 當然會推薦比大家，US$9.99 都算價錢貴，而且呢個 Game 會有 In-App Purchs ase 可以去更多任務(Expansion Pack)，新任務裡會有更多地圖同步隊可以玩 !!

睇完呢個 Video DEMO 你可能會心動想立即下載購買呢 !!


Price : US$9.99