iPhone 上雲，影相互串

當 iPhone 4S熱辣到港，雖然貨少兼喪炒，但配備嘅最新 iOS 5，一眾果迷一毫子都唔使就享受得到。今次 Update增加 200多項新功能，其中最注目嘅 iCloud雲端儲存，一裝 iOS 5即送 5GB俾你玩，歌、相、聯絡人等全部可掟上嚿「雲」度，隨時存取！

存相靠嚿雲

簡單來說， iCloud是一個網上空間，俾你存取資料，等你部 iPhone、 iPad、電腦等裝置可隨時互通資料。每位 iOS 5用家都免費提供 5GB容量俾你玩，唔夠仲可以畀錢加大嚿「雲」。實地試用「照片串流」，只要到設定中啟動該功能，再試吓影相，相片就會存到「照片串流」的相簿中，並即時 Upload上 iCloud。再開另一邊 Mac機嘅《 iPhoto》睇睇，啱啱喺 iPhone影嘅相已即刻現身，完全自動複製！ iPhone只會喺有 Wi-Fi情況下先會 Upload，所以唔驚爆月費 Data。不過要留意， iCloud只會存相 30日，記得要 Save番落你嘅裝置度。

放大圖片

放大圖片

■ iPhone影完嘅相，好快就可以喺其他裝置睇到。

放大圖片

■ iCloud設定好簡單，一開就搞掂。

放大圖片

■相片，行事曆、聯絡資訊等等全都可透過 iCloud同步至其他裝置。

相機功能大升呢

放大圖片

一向覺得 iPhone個影相掣唔就手，今次更新，終於用加大音量按鍵擔當快門鍵，影相感覺返晒嚟之餘，自拍亦零舍方便。除此之外，亦新增咗鎖定畫面時的開啟相機 Shortcut同構圖格線，雖細微，但超實用！另外亦可對相片進行優化、除紅眼、旋轉及裁剪。

放大圖片

■裁剪功能操作非當簡單。

放大圖片

■加大音量按鍵變快門鍵，自拍極好用。

閱讀器整理文章

放大圖片

用 iPhone上網，遇着廣告多、欄位又多嘅網頁，屏幕唔大真係幾頭痕。今次《 Safari》就解決咗呢類問題，只要一按網址隔籬嘅「閱讀器」鍵，網頁即時會去除廣告並排好文章，仲可選擇字體大小，上下拉動就可以睇晒段文，唔使放大縮細左郁右郁咁麻煩。

放大圖片

■網址隔籬設有「閱讀器」鍵。

放大圖片

■利用「閱讀器」功能可去除網頁的廣告並排列好文章，方便閱讀。

一拉睇通知

放大圖片

新加嘅「通知中心」，無論 E-Mail、 SMS、行事曆等等，有咩通知都會喺畫面上方短暫出現，而你可從畫面最上方向下一拉，就 Show晒所有未閱覽過嘅通知，仲有埋天氣同股市，感覺有啲似 Android，方便過以前逐樣 Check。

放大圖片

■「通知中心」有齊 iPhone上大部份的通知，以及天氣和股市消息。

放大圖片

■從畫面最上方向下一拉就可開啟「通知中心」

iMessage結合 SMS

放大圖片

英文名改咗叫《 iMessage》，但中文就一樣命名為《訊息》，其實就好似將《 Whatsapp》同 SMS二合為一。普通 SMS會用綠色顯示，而 iMessage就會用藍色。只要大家都有 iOS 5，就可以無限兼免費地互通 Message、交換相片等，唯一缺點係唔可以跨平台 Send囉。

放大圖片

■分別以綠及藍色顯示 SMS及 iMessage。

放大圖片

■筆畫輸入的鍵盤有所改變。