車牌 FACEB00K、 Y1NGY1NG月底拍賣

本月底 29日運輸署公開拍賣自訂車牌，雙英近日頻頻曝光，買邊個贏，好多準選委都未計得掂條數，如果買晒兩邊就最好，有個自訂車牌 Y1NGY1NG，相信好啱想左右逢源嘅人，唐英年贏，掂；梁責英 win，使得。

面書盛傳上市價值天文數字，有人自訂 FACEB00K車牌，唔知值幾多錢。正牌 facebook係細楷，呢個自訂車牌係大寫，價錢可能要打折扣，大家即使有興趣，競投時最好冷靜啲先舉手。自訂車牌已經玩咗幾年，過癮得意嘅牌越來越少，月底拍賣有個 K1SS，揸車見到佢，千萬小心，真係 kiss咗，咁就手尾長呀。