波霸珍珠奶荼(貢荼)終於入侵鰂魚涌 !!

今日食完 Lunch 行過英皇道與芬尼街交界，離遠見到一班人係度排隊買野，因為 Quarry Bay 成日都有新舖頭開張，所以都見怪不怪 !!

香港鰂魚涌芬尼街2號B舖地下

點知原來係 "貢茶" !! 唔怪之得咁鬼死多人排隊買野飲 ?!

"貢茶" 係香港已經開到成行成市，就快連我住緊既屋苑商場都開一間 !!

次次經過貢茶都排哂長龍，究竟係"抵飲" 定 "好飲" ?!

我估大部份其實係貪佢"抵飲"多d，$10-$12蚊已經大大杯；而且加埋d名牌效應，抵飲過d來佬咖啡 !!

如果你感覺佢係 "好飲" 同專門，咁我就真係有d保留，有網友留言話.....

• 沖茶無搖混 : 因要應付人流，一杯奶茶就是加茶加糖水加奶蓋封口，只用人手搖幾搖，好多時都係無用 "搖搖機" 將茶、奶、糖水搖混。
• 份量唔平均 : 因要應付人流，每次會乖大份量沖茶，一次過沖幾杯而唔係一杯一杯沖調。

如果你真係去過台灣試過"貢茶"既出品......香港加盟店唔係差，不過做唔到台灣既品質 !!

總括來講，"貢茶"已經比起其他既"台灣飲品店"好，起碼我仲會排隊幫襯 !!

希望佢可以 keep 住現有既品質就好，千萬唔好變成"奶茶糖水"就 Okay !!

早年來港既 "仙乜乜" 就真係請我都唔飲，真係好難飲同好鬼貴 !!

有無人知係 "貢茶香港加盟店" 要比幾多"加盟費" ??