星期五一收咗機無撕開 Apple 原裝膠紙就落去灣仔電腦城買個機背保護 Case 及貼番張 Screen Protector。
行勻咗成個場，Budget $200 想買齊兩樣野而有牌子就無乜好選擇 !!
最後決定買 CAPDASE 既 Soft Jacket 2 Xpose for Apple iPad (本來想買另一隻全場勁好賣[牌子唔出名，扮日本貨 Packing] 講好價 $170 (街價 $199，但剩番既 Color 唔合我心水所以無買) !!
最後去咗 "科訊" 講價 $200 (街價 $220) 成交，仲幫我貼埋 Screen Protector !!
應該好多人都用過 CAPDASE 既產品，本土香港公司，產品質數都有番咁上下 !!
講番個硅膠 Case 好 Fit 夠晒 Protection，但係張 Screen Protector 都幾返光，不過都仲可以接受，睇我忍得幾耐再換張磨沙面防指紋既 Screen Protector(要成$100)，仲有埋一張獨立透明貼紙保護 iPad 背部既 Apple 蘋果標誌；而我揀呢個 Case 最大原因都係貪佢跟埋一個可隨意安裝拆除既"多用途腳架" !!
P.S. 利益伸報 : 自由人無收到任何利益而去介紹呢個 Case，買佢純粹係個人感覺同啱價錢 !!
題外話 : Capdase 呢個公司名係同佢地當初成立想做 PDA Case 有關，即係 PDA in Case = CA+PDA+SE = CAPDASE !!
Soft Jacket 2 Xpose保護套
Soft Jacket 2採用Polymer物料製造，相比一般硅膠套更能防塵且軟硬度適中。它選用高級耐磨堅韌物料，並擁有超薄專型開面設計可直接操控屏幕和按鍵，既可防止機身被刮花且手感順滑無阻。除Soft Jacket 2 - Xpose保護套外，更會附送保護iPad背部上Apple標誌的貼紙及多用途腳架，讓iPad放置並固定於桌面上。值得一提的是Capdase附贈的多用途腳架共有兩扇活門，如用家想利用iPad打字或回覆電郵時，只需把腳架移至中間位置，然後打開小活門，便能把iPad橫置於約30度水平，方便用家打字。要是想利用iPad觀看電影，用家可把腳架上的小活門關閉，再打開大活門，便能把iPad橫放於約45度，方便用家欣賞電影、瀏覽網頁或閱讀電子書。Soft Jacket 2備有有磨砂黑、白、紅及藍四色可供選擇。
沒有留言:
發佈留言