自由人係 "3香港" 出 iPhone 3GS 手機的經歷

自由人終於今天早上係 "3香港" 出到 "黑色 32GB iPhone 3GS"，忍咗成年終於可以由 2G iPhone 升級去 iPhone 3GS；其實我係星期四晚已經係係屋企樓下間3仔落定訂，諗著可以第一時間用到新機，當時 Sales 手上都未有任何 3GS 既銷售資料，佢哋都只係跟番3香港網站上公佈既資料作銷售介紹，咁我就落咗現金$500訂咗一部白色32GB既 iPhone 3GS；

到咗星期五中午十二點3仔 Sales 打比我話已經到咗貨可以隨時攞取機，我回答放工後取機，同時改變初衷由白色32GB轉為黑色32GB (因為我都驚部 3GS 過熱會令機背轉為粉紅色，網上已更正機背轉色轉聞)，到了下午三時再收到3仔既店長來電再確應預留了一部黑色32GB 3GS比我 !!

晚上食飽飯一心諗住去出機，都預計要排隊............點知見到有20幾人排緊隊，而且店員講明只有白色 16GB/32GB 3GS，黑色已經賣晒，我當然立即問吓我訂咗部黑色32GB有無貨，好彩早一日訂機，當然留咗一部比我，但 Sales 話太多人今晚做唔晒咁多客，叫我聽朝再去出機 !!

今朝起身當然第一時間去出機，點知十一點都已經有十個人排隊出機(呢間3仔已經有4個 Counter 可以出機)，好彩前面有幾個人都因為無黑色、同等得太耐而走了，我都要排了50分鐘先到我，而且只剩最後兩部白色32GB，我後面既人只可以留名登記，仲唔收訂，只可以等通知有貨再去排隊出機 !!

出機都用咗成50分鐘先簽晒文件(聽條文，揀 Plan，揀 $28 VAS，考慮要唔要12個月免費保險，第二年 Apple Care)、收錢、Check機(睇機身有無花，睇試水紙顏色係咪白色)、開機(用3仔內部卡去 Activate 部 iPhone)之後再開始試機，因為 iPhone 3GS 係無7日試機換機服務，有問題就只可以攞去維修中心，所以個個客人都會試幾耐問清楚先走，做一個客要 45-60 分鐘；大家要去3仔出機就一定要預時間，趕時間就等過幾日先去都未遲(我就太心急唯有企同等，用咗個幾鐘先攪掂) !!

同大家講一講個個用 iPhone Plan 都要加既 $28 指定增值服務 (點到要用既增值服務)

- $8 Visual VoiceMail

- $10 Easy Data Cap VAS, $15 Hello Ring

- $18 SMS Pack (40個網外 SMS)

- $28/60M - 加多 60 個多媒體圖像/視象內容

- $28/100T - 加多 100 個文字內容

- $28/300 min Basic Airtime Pack - 加300分鐘基本通話時間

- $58/650 min Basic Airtime Pack - 加650分鐘基本通話時間

後記 : 最新 Update，原來增值服務計劃係可以自由組合，只需要夾埋月費係多過$28就可以 !!

(之前3仔 Sales 講解錯誤攪到我選了一個無用既增值服務，好彩有網友提醒，最後我都可以更改番我心水既增值服務計劃)

最後我就用了 $298 Plan 加 $18 SMS Pack，$8 Visual VoiceMail 再加 $10 Easy Data Cap (用過500MB Data 就 $0.01/KB，每月上限 $298，唔加而過咗用量就好襟計，隨時要比幾千蚊，因為1MB就已經要$10.24，而開 www.yahoo.com.hk 的主頁就會用了512KB以上)

另外只要加簽多3個月(即係27個月) 就可以送12個月免費手機保險計劃 !!

而用匯豐銀行信用卡上台就可以有特別預繳優惠(最多可以減少預繳$2200) 同埋可以選用12個月特別上台短合約 (當然機價會貴番好多) !!

而帶用緊既電話號碼轉台去 3HK 就會送15個月400分鐘基本通話時間 !!

出機時需要一次過比既錢就係 : 機價 + 預繳 + 一個月基本月費

我出 32GB 3GS 而用 $298 Plan 就要一次過比 $1,180+$4,280+$298=5,758

如果唔想簽約，現在已經可以由香港 Apple Online Store 直接購買 iPhone 3GS，而且係無 SIM Lock 鎖機，可以用任何電訊公司 SIM Card，不過因為太多人訂購所以要等 5-7 個工作天先可以送貨 !!

## 在 Apple Online Store 購買的 iPhone 3G 和 iPhone 3GS 可透過任何無線網絡電訊公司啟用。只要將您目前電話中的 SIM 卡插入 iPhone 3G 或 iPhone 3GS 再連接到 iTunes 8.2 就能完成啟用程序。