除夕夜教路，返歸無難道 !! 有用 iPhone Apps，識玩識食識影相，幾夜都識搵車搭返屋企。

今晚夜，你我必出去玩通宵，做好一切準備，必定識返屋企。講緊咩先？之唔係學佢手持大堆有用手機 iPhone Apps，識玩識食識影相，仲有幾夜都識搵車搭返屋企。

19:30

睇場戲 Warm Up

不到 24小時就踏入 2012了，為迎接新的一年，當然要下載一個新日曆做準備。你梗話 iPhone本身都有日曆喇﹗ iPhone本身夠有影相 App，大家都一樣下載第三方軟件，原因係靚同花臣多嘛﹗ Ruby就下載了一個那些年要逐頁撕的日曆，名叫《日曆 Calendar-十三行》(US$1.99)，經典懷舊，西曆農曆有齊晒，仲可加入行事曆，夠晒方便。
Ruby另一個準備是戲院 Apps。時間流流長，未夠鐘倒數前，中間搵場戲睇最好不過。其實不論是 UA、嘉禾、 Broadway/ AMC都有推出售票 Apps。由於現身處海港城附近，《嘉禾訂票快線》少不了，而 UA的 App名字較不明顯，找《Go Movie》就是 UA戲院了。

放大圖片

■由聖誕起直落到新年都大把戲睇，要幾個 Apps齊手先好。

放大圖片

■《日曆 Calendar-十三行》中西曆有齊。

放大圖片

■用《嘉禾訂票快線》購票，一樣係先揀地方後訂票。

放大圖片

■呢個紫色的《Go Movie》就係 UA戲院用喇。

22:00
中場休息消遣

睇完場戲，仲有兩小時先開始倒數，點樣打發時間好﹖ Ruby選擇了聽收音機節目，最新的《DBC》數碼電台最好不過，此 App不設節目重溫，全實時的。而佢更有一個另類選擇，就係下載推出不久的《NBA.TV》。 NBA聖誕才守得雲開正式開波，如果想同男性朋友多個話題，翻睇一兩條精華片段，做定功課又點少得。
至於講到增加話題，增進感情，一個好的影相 App不可少。有個名為《PhotoNoter》(US$0.99)的，影完相後，可以加料亂畫亂寫一番。畫完仲可以即時上載到社交網絡，直頭將當時最美妙一刻， Share俾朋友。

放大圖片

■中場休息聽歌聽節目最好不過。

放大圖片

■《DBC》數碼電台以實時播放。

放大圖片

■剛開鑼，《NBA.TV》亦係新 App。

放大圖片

■《PhotoNoter》拍攝，個嘴係咪靚咗？

01:30
夜歸家無煩惱

放大圖片

■運輸署推出嘅《香港乘車易》，提供日夜交通資訊。

零時零分倒數完，咁夜仲有咩車搭﹖三大熱門 Apps，九巴《KMB》、城巴新巴《CitybusNWFB》、港鐵《MTR Mobile》要必備。 Ruby仲推介由運輸署推出的《香港乘車易》，輸入出發地和目的地，就可選擇日間和通宵交通，更少不了車站的地圖位置。此外當中更提供大量有用資料，例如連的士的收費表都有，夠晒厲害。
另一個《深宵交通》，提供通宵車資料，方便夜鬼。此 App用點對點搜尋，如果目的地不能直達時，會教你轉車，更有落車提示，夠晒貼心。若果記得巴士或小巴的號碼，也可輸入號碼來搜尋。

放大圖片

■輸入起點和終點，就會幫你搜尋可行路線。

放大圖片

■《深宵交通》針對通宵 N車，也提供點對點功能。