內地山寨版 Samsung Galaxy S2 灣仔公開賣，零件粗糙，專家測機指隨時爆炸

內地山寨版 iPhone 時有聽聞， iPhone 宿敵三星的機王 Galaxy S2 也被看中複製成「山寨機王」，在灣仔旺區公然開舖出售，更有多款熱門智能手機的「仿製版」任君選擇，價錢比正版平一半。「機王」除功能多，可上網及下載免費 apps，還以免費收看本地收費電視台作賣點。惟有電子工程師拆機發現機組零件甚為粗糙，坦言擔心品質欠佳有爆機可能。海關則指會跟進此店疑出售冒牌手機。

免費裝 Apps任睇收費台

放大圖片

領航電訊在灣仔道明目張膽售賣山寨機，機款五花八門。

深水埗鴨寮街一向有山寨手機出售，近月一間專賣山寨機的店舖「領航電訊」竟殺入行人如鯽的灣仔道，出售的過百款手機中，多部外形似足大品牌手機，價錢卻平一大截，當中有疑似老翻的牌子 Sunsamy、 Sung Ericssom 等，驟眼看以為是正版大劈價。

鎮店機王 HDC SII 屬智能手機，機身及包裝與三星 Galaxy S2 極為相似，擁雙核心、 3G及 wifi上網，行 Android 2.3.4版本，配備 500萬像素鏡頭、語音輸入系統等，只售 2,399元，與 Galaxy S2機價約 4,700元相比平一半，只是機身較厚及重。

放大圖片

趙炳權博士指山寨機質素成疑，用家須承受一定風險。

店員以此機可免費看收費電視作重點推銷，「呢部機最快最靚，幫你裝番個內地人搞嘅『安智市場』，全部 Apps 免費任裝。呢個『達龍影音』 Apps，百幾個電視台任你睇」，店員即用手機播放證明所言非虛，畫面顯示有線電影第三台，正播放港產片。

本報購買了一部 HDC SII 交香港專業教育學院電子及資訊工程系系主任趙炳權博士拆機，發現銲錫手工較粗糙，零件批號又用手寫，很有「山寨 feel」。趙博士表示，機體組裝技術尚算不俗，「做得好似同好足，但質素好難保證，真係攞嚟用，打打下電話唔知佢幾時跪低」。

軟件流暢與正版無得比

Galaxy S2（左）的流暢度比 HDC SII（右）高很多。

縱然外觀與 Galaxy S2 極為相似，惟趙博士指出，用料可差之千里，「家啲零件精細，好難睇出有乜危險，但電子零件係一分價錢一分貨，啲料差啲價錢咪平啲」。至於可收看免費電視，趙博士指其實技術上「非常容易」，「只要喺部手機加少少硬件，再下載個 apps，就可以透過網絡同 apps 睇到電視」。

手機大王謝利則以軟件程式測試，結果顯示無論處理 2D 及 3D 畫面的流暢度，均與 Galaxy S2「無得比」，唯一可取是「輕觸式屏幕夠大，色彩仲好過三星」。

他提醒內地不少山寨廠為減低成本忽略品質，未為手機安裝斷電裝置，手機容易過熱甚至爆炸，「製作嚴謹嘅手機要經過多重測試，譬如用料有冇毒素、零件同機殼嘅耐熱程度同受撞力等」，他認為同等價格可購買大品牌。