iPhone 4 開盒即壞冇得換

有市民經蘋果指定經銷商衛訊購買 iPhone 4，被要求先付款後驗機，惟開盒後發現手機無法啟動，衛訊根據蘋果公司政策拒絕即時換機，只可交回維修中心跟進，惟維修中心竟指手機非本港行貨。事主質疑蘋果規定不合理，又懷疑衛訊職員曾拿走手機 15分鐘叉電「事有蹺蹊」，多番爭取始獲衛訊換機。消委會認為，驗貨後發現有問題不獲即時更換做法不合理。

衛訊旺角分店康經理指不換機做法乃蘋果公司規定。

陳先生上周三在衛訊購買一部 16GB白色 iPhone 4，「佢要我先畀機價 4,988蚊先可以驗機，點知職員拆機發現開唔到，話冇電，行開去叉電 10幾分鐘，返嚟都係開唔到，要我拎上維修中心整，又話蘋果規定所有零售商 iPhone開封後，有乜問題都要拎去整唔可以換，但係我畀咗幾千蚊買機，用都未用過就要整，好唔合理」。

經理：係蘋果定嘅

放大圖片

陳先生幾經爭取，才獲衛訊更換一部操作正常的 iPhone手機。

擾攘多時無果，陳先生無奈將機交到蘋果指定維修中心，職員指要 14個工作天檢查，「我當然唔肯，要佢哋第二日覆，換部新機畀我」。第二日到蘋果維修中心回覆手機序號（ serial no）雖顯示屬行貨，但機內軟件和 IMEI（國際辨識碼）與手機不合，「職員話部機唔係香港行貨，拒絕維修，要我拎走，嗰刻我真係好震驚」。陳先生到衛訊理論，衛訊派人與他到維修中心交涉不果，最終衛訊收回手機調查，惟遲遲不回覆他。

陳先生前晚到衛訊旺角分店交涉，記者並無表明身份同行，他與店舖康經理擾攘一個多小時，其間康經理表示：「唔畀即場換機嘅做法係蘋果定嘅，以前試過開盒發現部機螢幕有裂痕，蘋果都係唔畀換。你問我點解開唔到部機，可能係喺大陸組裝嗰陣畀工人整花跌壞再入盒，冇人知。」幾經糾纏，最終康經理表示先行更換一部新機給陳先生，再與蘋果跟進。本報曾就事件聯絡蘋果公司及衛訊，至截稿前未有回覆。

行貨機出現 IMEI與機身編號不一，先達 G-World Mobile負責人劉志剛直言可謂「聞所未聞」，他估計可能有人將機內零件拆走變賣，換入大陸零件後再包裝混入行貨出售。