睇 iPad清晰 入 iPhone舒適
今次同時試用 iPad及 iPhone導航， iPad最大好處當然是畫面夠大，睇地圖更方便，不過每當輸入目的地時，就發現不可輸入繁體字這個缺點實在是一大障礙；反而有埋倉頡輸入的 iPhone，搵地址就快好多呢！
■用 iPad試好耐都無法直接輸入目的地，要用另一繁簡繙譯 Apps搵字呢！
■某些汽車導航機的手寫板好難對應字形，反而有多種輸入法的 iPhone夠直接。
準確又快速 不錯！
■入隧道接收較差，不過出隧道唔使半分鐘經已復原。
今次刻意找了三個不同價錢及不同國家生產商的 Apps作比拼，看看分別有幾大。重陽節就快到，特別設計路線由將軍澳工業邨前往將軍澳華人永遠墳場，再去布袋澳食海鮮！
結果發現三個 Apps都十分準確，顯示位置的速度亦相若，效果理想，跟指示駕駛都成功去到目的地。論導航系統設定，大家都有 3D及 2D畫面、日夜間顯示模式及車速顯示等基本選擇，不求花巧的你，其實最平的 PAPAGO已經夠用，且下載數據不算特別誇張，$78可以代替過千元的汽車導航機，又唔使放多嚿嘢阻住，看來汽車導航機的生產商真的要想想法子突圍對抗了！
iPhone易無電 要叉住玩
■ iPhone接駁電線及喇叭線，聲音導航可由喇叭直出更大聲。$98
蘋果導航 Apps好使好用，但淨聽聲同耷低頭睇地圖幾危險，最好買個架托高部機。可惜市面仲未有為 iPad而設的座架，只可用雜物頂住。但用 iPhone導航，記得買個插頭叉住電玩，因為耗電速度都幾快。
■加裝汽車 USB接駁插頭，以便叉住電用導航。$160
■ HR電話座貼於車頭玻璃，位置高，方便睇地圖。$190
最抵用 - PAPAGO！ Hong Kong+Macau（ PRO） US$9.99（約港幣$78）
■每到複雜路段轉向，左下角彈出實景圖片引路。
台灣 PAPAGO導航又名 M7，較多香港人用，價錢最抵玩。畫面設計不算花巧，遇到路面複雜情況時會彈出實景 Close up。語言選擇有英語、國語、粵語及馬來語，輸入目的地以地址、道路及景點區分，找尋景點尚算方便。
缺點：
功能設定及選擇版較簡陋，只有一般基本選項及周邊景點等資料，略嫌資料不夠豐富。
最方便 - 高德導航 Autonavi Navigation US$14.99（約港幣$117）
■遇複雜路段，上方會出現 Close up畫面。
中國高德導航的地圖遍及全中國、香港及澳門，版面設計細緻，找尋及輸入目的地最快最方便，先在右上角揀選地區，再入一兩個關鍵字，已有大堆地點畀你揀，包括店舖及餐廳。周邊的資料好詳盡，連邊度有公廁都話你知！
缺點：
■可直接控制紅點於地圖設定為目的地。
語言選擇無英文，只有不同地區的國語及粵語，而語音提示亦略急促。
最細心 - TomTom Hong Kong US$49.99（約港幣$390）
■有興趣點及求助功能，設計精密。
模特兒 Rika話 TomTom導航於美加好著名，佢以前揸車落美國玩都係用佢，系統設定精密，世界各地語言幾乎齊備，連客家話都有！有提示超速及快相位。亦有求助功能帶你去最近醫院警局。最細心是編排路程時可設定避開收費區或隧道。
缺點：
■進入接收差範圍，畫面轉成黑白色。
地址需輸入英文，必要輸入街道及號碼，無商場定位。
沒有留言:
發佈留言