PUMA 推出了一款取名為 The PUMA Index 的 iPhone App，裡面的模特兒當然會穿上 PUMA 服裝系列，而身上所穿衣物的服裝系列及數量，會緊隨美國 『杜瓊斯指數(Dow Jones Index) 』的升跌而增多減少......即係當股市指數下跌的時後，模特兒就會一件一件除衫，直到僅剩內衣褲來跟你搔首弄姿；當股市指數上升的時後，模特兒就會一件一件咁著衫，最後會戴埋冷帽著晒厚褸。
而呢個 App 最殺食既地方就係唔用平面圖像，而係用咗一段已預先拍攝短片去跟除股市升跌去展示 PUMA 唔同服裝系列(內衣至雪褸)，不過最攪笑係 d 模特兒除咗去行來行去，仲會做d九唔搭八既野(做陶瓷、舉啞鈴、抱狗、搔首弄姿....)，你仲可以選擇用男性或女性既模特兒 !!
不過當股市休息既時候，d 模特兒都會熄燈瞓覺；同埋呢個 App 你估都估唔到係有 200MB 咁大 Size !!
除咗可以係 iPhone 度睇 Puma Index , 你仲可以用電腦上去 Puma Index 網站 度睇 !!
沒有留言:
發佈留言