工聯會公然教 jailbreak

傳統愛國陣地工聯會與時並進，教新一代青年「越獄」，與香港電腦商會合辦「合法越獄技術入門」，教人將 iPhone或 iPad改機 jailbreak，課程共 3小時，收 180元。

JB後可以玩「老翻」 Apps，又有免費遊戲，好多 iPhone用家認為可以慳錢，之不過咁做有侵權之嫌，唔通工聯會教人以身試法？


八方請教策劃課程嘅香港電腦商會會員培訓中心陳 Sir，佢話會再諮詢法律意見，唔排除取消課程；又強調開班宗旨唔係想教人玩老翻，而係認識「越獄」嘅壞處。


美國已裁定「越獄」合法，香港未有案例，海關冇表示，仍屬灰色地帶。