iPhone 4 未到網絡先啟動 (中國移動香港 Micro-SIM $98無限 GPRS計劃)

相信唔使再過兩個禮拜，水貨 iPhone 4就會到香港！

炒價大拿拿要九千蚊，就算心郁郁想買，亦好難打破心理關口！

事關行貨月底會到，相信好多人都會睇定啲先會後動！玩家仍屬少數，但網絡商已等唔切率先推出專為 iPhone 4 及 iPad 而設嘅 micro SIM，如中國移動香港就推出激平$98無限 GPRS計劃，包埋約 1,000分鐘通話時間，雖然網速肯定唔及其餘各台用 3G咁快，如果只為手癮及心癮者，出嚟平平哋玩吓，都唔錯 o架！